Tegal Pan Duwe Gawe


Catetane maszaenal

Sadelat maning neng Tegal pan degawe gede. Yakuwe apa? Jawabane Pan ana pilkada. Pilkada sing pan dianakna neng Tegal kuwe wujude pilihan Wali kota karo Bupati Tegal. Gadi sing nganakna pilkada ya, Kabupaten Tegal karo Kota Tegal. Suasanane saiki wis mulai rame.Gambar-gambar calon Bupati, wali kota karo wakile wis pada dipasangi neng endi-endi bae. Neng pinggir gili, gambar-gambar sing ukurane amba pada diceblokna neng sa kiwa tengene gili, khususe neng gili gede. Gambar-gambar kue mau jumlahe ora mung siji tok, tapi pating tlektek. Neng gili-gili cilik ya ora pan kalah jumlahe, ngadug, saporete.

Ora mung gambar-gambar sing amba ukurane, gambar-gambar sing cilik-cilik utawa ciut ukurane ya luwih akeh. Neng leneng-leneng listrik lan telpon gambar-gabar mau pating templok. Ora mung samono tok. Neng lontrong-lontrong ya pating gamblok. Pokoke saiki neng Tegal, yakuwe neng Kabupaten karo Kota Tegal lagi rame-ramene pada masangi gambar-gambar calon Bupati karo wakile lan calon wali Kota karo wakile. Pokoke wera nemen.

Gambar-gambar mau jinise pirang-pirang. Ana calon sing gambare nganggo peci. Ana sing ora nganggo peci. Tapi kabeh mau nduweni komarane dewek-dewek. Ana sing katon wibawane yen nganggo peci. Ana uga sing ora peta yen nganggo peci. Malah ora mung gambare calon Bupati karo Wali kota tok. Gambar-gambar mau dipepeki nganggo semboyan-semboyan men katon luwih nyenengi. Ana maning sing ditambahi foto-foto wong sing diwibawani, kaya kyai, pejabat utawa ketua-ketua kumpulan utawa organisasi.

Jarene pilkada pan dianakna neng wulan Oktober, pestine tanggale pira urung dingerteni. Sabenere kanggo Kabupaten Tegal mestine ora neng wulan Oktober, tapi mengko pengarepe tahun 2009. Mung bakale tahun ngarep pan ana toblosan milih caleg lan presiden. Gadi diajokna mendah ora mbarengi karo pilihan legislatif karo pilihan presiden.

Wingi-wingi bae ana wong sing pada nggoleti KTP, terus sing duwe KTP miki diwei duwit. Duwite ana sing olih limalasewu, ana sing rong puluh. Jarene tah KTPne miki pan disilih terus di poto kopi nggo ndaftar calon independen. Tapi sing samono mbuh iya, apa ora aku ora ngerti persise, mung jarene. Nyong dewek ora kecipratan acan-acan.

Jare nyong, angger ana calon independen temenanan berarti pancen demokrasi wis mlaku temenan, ora mbodonan. Wis laka-laka angger kaya kuwe. Wong-wong ya wis miwiti rame-rame ncritakna pilkada. Ana wong sing ora mana-ora mene netral temenanan. Ana maning wong sing pancen mbela calone, ya ana. Sing mbela calone ya dong kandah diagul-agulna. Kaya wong klalen karo sing nggeong. Ana wong sing sirep-sirepan maring endi-endi laka suwarane, sing penting ngasab. Ana pilkada ya bakale ngasab, laka pilkada ya luwih-luwih ngasab.

Angger delengane nyong, neng kota Tegal wonge wis katon dukungane maring sapa. Ora kaya neng kota Tegal, neng kabupaten katon sejene. Anane tukaran sijine parte neng duwur ndadekna neng kabupaten rada melu-melu kegawa. Calon sing gemiyen jagone salah sijine parte, weruh-weruh ora didukung partene, malah wong sejen sing ora dadi pengurus sing ndukung temenanan. Jarene sih dumene ora melu gogngomane sing wingi menang neng pengadilan. Angger sing wingi bena maring sing saiki menang neng pengadilan, ya bisa didukung parte mau. Walah, wis pan pora. Kuwe dudu urusane inyong.

Angger inyong tah embuh, ora pati ngurusi karo sing kaya kuwe. Mbuh pan ana pilkada mbuh pan apa, ajeg, sing penting ngasab karo nggedegna blog tegal lan bae. Bisa posting lancar bae wis bungahe por. Bungah maning yen ana sing gelem maca catetan kiye. Jan temenenan sampeyan tak dongangakna men slamet uripe tur akeh rejekine, aamiin. Kaya kuwe oya ?

Balik maning maring pilkada. Neng Kabupaten Tegal rada sejen temenan karo kota Tegal. Apa sejenne? Neng Kabupaten Tegal ana calon Bupati wadon. Jarene sih sing independen. Nang kota Tegal ya ana calone sing wadon tapi dudu calon wali kotane tapi wakil wali kota. Angger kaya kuwe berarti neng Tegal wis ora bena olih ngormati emansipasi. Lanang ya bisa gadi calon, wadon ya bisa, laka bedane. Sing beda ndeyan tah, duwite tok.

Saiki kari ngenteni genahe sapa sing pan dadi. Muga-muga bae calon-calon mau yen dadi ora pada mbodoni karo rayat. Ora pada klalen karo janjine karo rayat. Sebabe apa? Rayat wis sering dibodoni. Gemiyen dang durung dadi janjine pan ngein kiye, ngein kae, ning barang ditagih malah klalen. Malah monine dadi dadine dewek. Wah! angger kaya kuwe ya, wis ora peta. Laka sing peta. Muga-muga calon sing kaya kuwe pada busung utawa gondoken. Eh kiye tah ora muatani tapi inyong kayong gemremet angger ana wong kaya kuwe.

Lhah…, Blog tegal lan pan melu sapa????????????? Jawabe ora melu sapa-sapa. Melu maszaenal bae. Alias netral utawa ora melu mbang kana ora melu mbang kene. Sing penting ajeg bisa posting rutin bae wis laka-laka.

Tapi wong inyong, ya wong Tegal arep-arepe laka liya yakuwe sing aman, laka ribut-ribut, laka protes-protesan. Sing kalah aja kakehen polah sing menang, ya aja kadiran. Sapa bae sing gadi inyong ngakoni.

Kiye pancen nguja ana postingan sing kaya kiye. Nganggo basa tegalan. Basane tah, jare wong liya kasar, tapi kiye basane negarane inyong, negara tegal, mbuh ora peta mbuh apa, wong kuwe dekene bangsane inyong, ya tak subya-subya. Cara jawane inyong bangga duwe basa kaya kiye.

Cukup samene bae sadulur. Kiye gudu kedaerahan tapi pisan-pisan ana sing kaya kiye, men pepek. Aja monoton.

Salam sing kadohan, nggo sampeyan kabeh. Aja klalen. tanggal nemlikur oktober neng Tegal ana pilkada, dongakna mendah laka apa-apa. Ayem jilem.

13 Tanggapan

  1. Selamat hari raya idul fitri 1429H Minal aidzin walfaidzin Mohon maaf lahir & Batin

  2. Aku sih wong margasari tanggane agus bupatine. kanca lawas SD ne bareng. muga-muga calon -calone pada slamet ora sing wadon apa lanang sing penting engko yen wis dadi aja kelalen karo janjine. aja nggo kesugiane dewek tok .kuwe kabeh duwite rakyat aja di salah gunakan. nyong seneng akeh wong sing pengin kabupaten tegal maju. luwih penting kudune engko sing dadi bupati mikirna wargane sing pada nganggur ben ora pada mlayu-mlayu ning kota pada mranto. melasi ning perantoan pada turune ning longan sepur. gawekna rumah-rumah industri ben nyerap tenaga kerja. dadi rame ning desa pada duwe duwit toli perek karo keluarga. wis samono bae sadulur salam sing bekasi

  3. Salam kenal , Aku Eman asli Dukuhturi,
    Silahkan kunjungi Website gaweanku,
    Download Sak Blengere gratis! Segalane tentang
    Cara-cara internet Praktis Lumayan buat nambah pengetahuan.
    Web’e http://www.internetmudah.net46.net

    Sukses Go wong tegal kabeh
    Eman

  4. salam kenal buat eman
    aku orang bogor neh,nanti aku bakal kunjungi situs kamu,
    oya buat mbah zen pa kabar?
    keluarga disana sehat-sehat aja kan?
    aku mau nanya gimana rumahnya aziz udah jadi apa belum?
    sampaikan salamku buat bude nok ya mbah.
    makasih !!

  5. salam kenal
    Priben misale ditambahi peta kota/kab tegal, dadi wong tegal apa wong ndi bae bisa paham dalan-dalane nang tegal, ya arane mbokan presidene pengin muter-muter tegal dadi wis ana cekelane. wis kaya kwe ndisit bae. smoga bloge sampeyan tambah mantep top laka-lakane.

  6. wis ora usah di pikiri maning, saiki nyambet gawe maning kaya biasane,….sing penting pada slamet waras.
    urusan politik wis ana sing ngurusi, urusane NT saiki mosting blog ben tambah rame tur apik,….soale pegaweyane rika mung mbuka internet saben dina, yah disambi kerja,…dudu kerja disambi mbuka internet…he..he…he..

    wis ya kang jenal,…
    wildanoke.multiply.com

  7. My wife is actually puzzled. Nobody knew this, however the support is hard to reach.

    • Thank you, you have visited on our blog, you will not be able to understand our write because we use a local dialect of tegals in Central Java. but we appreciate you. Thanks again

  8. Hi there! I could have sworn I’ve been to this blog before but after reading through some of the post I realized it’s new to me. Anyhow, I’m definitely delighted I found it and I’ll be bookmarking and checking back often!

    • thank you i would say to bestelkado gadgethouse 1 over a visit and your comments

  9. Thanks to my father who stated to me on the topic of this blog,
    this website is in fact remarkable.

    • Thanks to you

  10. If you just want to enjoy the revenue that
    your property might encounter. We can help you with relocation: USAA.
    However, bear in mind that insulation and sealing air leaks will help your property management hattiesburg ms bottom line.
    They will also identify government programs that provide grants to remediate
    lead. Coli are normal inhabitants of the small
    intestine and colon. Tenant pays propane and electric. For example, while the unlimited unit version is priced
    at $399. The court requires you to use the software or not.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: